बी न्यूज़;चे वार्ताहर रघुनाथ शिंदे यांचा वार्तांकन करताना गव्याच्या हल्ल्यात मृत्यू

कोल्हापूर : दि. 12/05/2017

भुदरगड तालुक्यातील आकुर्डे येथील भैरुचा माळ म्हणून ओळखल्या जाणाऱ्या शिवारात आज (शुक्रवार) सकाळी 
आकुर्डे येथील तीन तरुण वैरण म्हणून उसाचा पाला काढण्यासाठी उसात गेले होते. गव्याच्या कळपातून चुकलेल्या भल्या मोठ्या गव्याने त्या तिघांपैकी अनिल पोवार या तरुणावर हल्ला केला. पोटात शिंगे घुसून रक्तस्त्राव झाल्याने पोवार हा जागीच ठार झाला. जीव वाचवून पळालेल्या दोघांनी ग्रामस्थाना या दुर्घटनेची माहिती दिली.
हे वृत्त कळताच तात्काळ 'बी न्यूज़'चे वार्ताहर रघुनाथ शिंदे हे घटनास्थळी येऊन शूटिंग करत होते बांधावर उभा राहून गव्याचे शूटिंग करत असताना मागे फिरून गव्याने शिंदे यांना थेट धडक देऊन 10-12 फुटांवर उडवून भिरकावून दिले. शिंदे यांच्या पोटात एक शिंग घुसल्याने आतड़ी बाहेर आली आणि दुसरे शिंग मांडीत घुसले. गंभीर जखमी झालेल्या शिंदे यांना गारगोटी येथे प्रथमोपचार करून तातडीने कोल्हापूरला हलविण्यात आले असता उपचार सुरू असताना  त्यांना मृत्यू आला .
            पत्रकार कर्तव्य बजावताना त्यांचे आकस्मिक अपघातात दुख:द निधन झाले,
शांती टाईम्स, क्राईम डायरी व ग्रुप अॉफ मिडिया च्या वतीने त्यांना भावपूूर्ण श्रद्घांजली !